Við Bugðufljót á Tungumelum í Mosfellsbæ rísa nú athafnabil frá 40 m2 og allt að 95 m2 að stærð. Stefnt er að afhendingu fyrstu bila snemma árs 2025 en sala er nú þegar hafin. Bilin eru vandlega byggð á afgirtu svæði með myndavélavöktun ásamt aðgengi að sameiginlegum salernum og inni aðstöðu fyrir bílaþvott eins og best gerist.
Aðstaðan er í sameiginlegri nýtingu allra sem eiga bil innan svæðisins og er rekið af húsfélaginu.
Bilin að Bugðufljóti eru vandlega byggð ýmist úr forsteyptum einingum eða samlokueiningum frá Límtré Vírnet úr steinull og stáli. Blinduð tengi fyrir neysluvatn eru aðgengileg í hverju bili og eru bilin upphituð með hitaveituofnum. Lóð skilast fullfrágengin, malbikuð og upplýst. Svæðið verður afgirt og aðgangi stýrt í gegnum tvö rafdrifin hlið. Bílastæði í séreign fylgja öllum bilum í formi 35 m2 séreignarsvæðis fyrir utan hvert bil þar sem hægt er að leggja tveimur bílum.
Bugðufljót er einstaklega vel staðsett og auðvelt aðgengi að svæðinu af Vesturlandsvegi. Skortur er á húsnæði af þessari gerð á austurhluta höfuðborgarsvæðisins.
Fyrir upplýsingar um bil til leigu hafið samband við leiga@bugdufljot.is
